CET Exam Schedule: १९ मार्चपासून 'सीईटी'ला सुरुवात, कधी कोणती परीक्षा? सर्वाधिक अर्ज 'या' अभ्यासक्रमाला; वाचा सविस्तर

MHT CET login: व्यावसायिक अभ्यासक्रमांसाठी राज्य सीईटी कक्षाकडून सामाईक प्रवेश परीक्षा म्हणजेच सीईटी घेतली जाते. सुमारे साडेतेरा लाख विद्यार्थ्यांपैकी सर्वाधिक म्हणजेच सात लाख ६५ हजार ३३८ विद्यार्थी एमएचटी-सीईटीसाठी नोंदवण्यात आले आहेत. १९ तारखेला, म्हणजेच उद्या होणाऱ्या एमएड अभ्यासक्रमाच्या सीईटीसाठी तीन हजार ८०९ विद्यार्थ्यांनी नोंदणी केली असून एमपीएडसाठीची सीईटी दोन हजार ३८४ विद्यार्थी देणार आहेत.

MAH CET 2025 Dates : राज्य सीईटी कक्षातर्फे विविध अभ्यासक्रमांसाठी घेतल्या जाणाऱ्या १९ परीक्षा उद्यापासून सुरू होणार आहे. विविध अभ्यासक्रमांसाठीच्या सीईटींसाठीची नोंदणी प्रक्रिया बहुतांश पूर्ण झाली असून, राज्यातील १३ लाख ४३ हजार ४१३ विद्यार्थी पुढील दीड महिना विविध प्रवेश परीक्षा देतील. उद्या, बुधवारी याची सुरुवात एमएड आणि एमपीएड या अभ्यासक्रमांच्या सीईटीने होणार आहे.

व्यावसायिक अभ्यासक्रमांसाठी राज्य सीईटी कक्षाकडून सामाईक प्रवेश परीक्षा म्हणजेच सीईटी घेतली जाते. सुमारे साडेतेरा लाख विद्यार्थ्यांपैकी सर्वाधिक म्हणजेच सात लाख ६५ हजार ३३८ विद्यार्थी एमएचटी-सीईटीसाठी नोंदवण्यात आले आहेत. १९ तारखेला, म्हणजेच उद्या होणाऱ्या एमएड अभ्यासक्रमाच्या सीईटीसाठी तीन हजार ८०९ विद्यार्थ्यांनी नोंदणी केली असून एमपीएडसाठीची सीईटी दोन हजार ३८४ विद्यार्थी देणार आहेत.

वेळापत्रक व अर्जांची संख्या-

• १९ मार्च, एमएड- ३८०९
• १९ मार्च, एमपीएड २३८४
• २३ मार्च, एमसीए ५६,२५७
• २४ मार्च, बीएड १,१६,५८५
• २७ मार्च, एमएचएमसीटी ८०
• २७ मार्च, बीपीएड ६५९८
• २८ मार्च, बीएचएमसीटी १४३६
• २८ मार्च, बीएड-एमएड ११३९
• २९ मार्च, बी डिझाइन १३२८
• १ एप्रिल, एमबीए/एमएमएस १,५७,२८१
• ५ एप्रिल, फाईन आर्ट २७८९
• ७ एप्रिल, नर्सिंग ४७,४९७
• ८ एप्रिल, डीपीएन/पीएचएन ४७७
• ९ एप्रिल, एमएचटी सीईटी (पीसीबी) ०३,०१,०७२
• १९ एप्रिल, एमएचटी सीईटी (पीसीएम) ०४,६४,२६३
• २८ एप्रिल, विधी तीन वर्षे ३३,१३३
• २९ एप्रिल, बीबीए, बीसीए, बीएमएस, बीबीएम ५८,३८४
• ०३ मे, विधी तीन वर्षे ८७,९३७
• २८ एप्रिल, विधी पाच वर्षे - ३३१३३